三月二十三日，禮拜三-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,567 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

三月二十二日，禮拜二《前一篇

後一篇》三月二十四日，禮拜四

回應

給他日記貼紙

給他愛的鼓勵

檢舉

篇名: 三月二十三日，禮拜三
作者: C	日期: 2011.03.24　　天氣: 　心情:

今仔日是三月二十三日，禮拜三。
來報告今仔日的新聞：
首先，猶原是北非戰況最新消息：
歐美聯軍這次軍事行動，號作｢奧德賽黎明｣。
咱先來講啥物是｢奧德賽｣？伊的由來，來自古典希臘傳說荷馬詩歌-｢奧德賽｣啦。
因為這次軍事行動發生在地中海、愛琴海附近，和希臘英雄傳說較欲共所在，所以借名。
這位傳說中的英雄，名號做｢奧德修斯｣，戰後在外面流浪十冬了，即轉來到厝內面。
伊有一位某，名號做｢王寶釧｣，苦守寒窯十八冬...？不是啦，是小弟我湊不著人啦。
這不是重點！重點是：這是不是暗示這遍戰爭，亦是一場時間會拖真久的戰事？

現在歐美聯軍發生真嚴重意見的無共款，逐國攏親像無想欲做頭來帶領。
可能是無想欲為這遍軍事衝突的輸贏來負責、來背書共款。
是啦，每一國攏有伊國內不得已的苦衷，每一國的領導人，亦攏有輸未起的條件。
在大部分歐美民主國家，伊人民上大，執政者攏愛經過國會、議會同意，代誌即會使做，
不是總統、總理彼種領導者無摮，是因為身負國內人民的壓力啦。

就是因為按爾，即予人感覺這次行動無夠積極。

不只是這遍戰爭，連日本救災嘛共款。
人咧講｢日頭赤焱焱，隨儂顧性命｣
一開始，各國攏有熱情欲互相幫贊，當當國內情勢無允准，抑是對自己利益有所衝突時，
這款理想，抑只好親像是放一咧屁共款啦。

好！新聞先簡單講到這。
當然，我今仔日這嘛是放屁啦~^^

標籤:

瀏覽次數:410 人氣指數:1830 累積鼓勵:71

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：