2011.01.08禮拜六-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,541,575 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2011.01.07禮拜五《前一篇

後一篇》 2011.01.09禮拜日

回應

給他日記貼紙

給他愛的鼓勵

檢舉

篇名: 2011.01.08禮拜六
作者: C	日期: 2011.01.09　　天氣: 　心情:

今仔日禮拜六，
透早講欲去路竹收厝稅，就泡兩包三合一咖啡。看會開車較未愛睏未。
路竹下早時菜市仔足鬧熱，儂車擠擠擠。揣無所在停車，只好停去雞母寮。向厝邊剃頭店頭家｢捱蝦子｣一下。

這遍便所無擱滿出來，電視嘛會使看，真奇怪。
去對面彼擔楊桃湯，無看著頭家，只有頭家娘掩一蕊目睛。伊講去割。我笑伊老亦在愛水。
去樓頂看一下，參詳好假使若欲置流動廁所，應該在叨位較好。

中晝無食羊肉，叫麵羹彼擔。真久無叫彼擔啊。
阿兄講欲搬物件轉來，一大堆啥微波爐、電子鍋、電腦喇叭、亦擱有哩哩摳摳一大堆。
車後斗裝未會落，只好有的勸在後座。攏是車太細台啦。
結果參詳了，應該是位原來便所外面、化糞池牽一條管，接去倒手爿的溝仔，彼條較大條。
考慮最大的因素，就是原先的便所，和厝內彼間，攏會使繼續用。但是就愛將原先的磚仔勾起來做。
我總是感覺一條屎管，經過厝中央不好，雖然是厝體外面。但是我無表達。

欲轉來時，厝內面大人給麵羹擔、豬血擔頭家通知討論結果，
我去將車開轉來，我無想欲在邊仔挺嘴。

轉來時，大主大意欲開高速，先位三埤走去岡山。
結果厝內面大人講：不是欲買封肉？
彼間在灣仔內省道邊仔，所以愛擱開返頭。
看著一塊一塊的滷豬腳、滷封肉，嘴瀾強欲流出來。

到厝了，無所在停，只好先將阿兄物件卸貨，才去停車。
附近連算點鐘的車位攏無，只好擱停在咖啡廳邊仔，摸非一咧。
彼位小姐哪會一直偷看我？害我心肝丟三下。^^

轉來時門腳口有車位，先停咧，
無偌久，彼位東光車位走啊，我就緊駛落去。
看著彼台烏車擱在邊仔STAND BY，想著真愛笑。

原本下晡BB寬頻講欲來裝網路，有較俗，俗差不多欲一百。
但是這兩日就欲繳中華電信網路費用，過一禮拜才裝較會和。
但是今仔日網路怪怪，我攏一直無法度連線，只好用無線網卡寫日記。

標籤:

瀏覽次數:245 人氣指數:2645 累積鼓勵:120

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：